Një aksident ka ndodhur në orët e para të mëngjesit në rrugën Berat- Lushnje, ku dy makina janë përplasur mes tyre duke lënë disa të plagosur.
Aksidenti ka ndodhur rreth orës 04:00 në afërsi të fshatit Fier-Shegan. Një makinë Toyota ku udhëtonin 5 persona, është përplasur me një makinë Smart. Furoristrada Toyota ka përfunduar në kanalin anësor të rrugës e përmbysur. Është dashur ndërhyrja e forcave zjarrfikëse për të nxjerrë prej aty të lënduarit. 5 personat në këtë automjet ishin duke u kthyer nga një dasmë.
Siç njoftuan autoritetet, të plagosurit janë jashtë rrezikut për jetën.
Njoftimi i Policisë së Lushnjes:
Rreth orës 05:00, në aksin rrugor “Berat-Lushnjë”, shtetasi V. C., 58 vjeç, duke drejtuar automjetin është përfshirë në një aksident me një automjet me drejtues shtetasin M. R., 32 vjeç.
Si pasojë e aksidentit janë dëmtuar 2 drejtuesit e automjeteve, dhe 1 pasagjere, të cilët ndodhen në spital për ndihmë mjeksore, jashtë rrezikut për jetën.
Grupi hetimor po punon për sqarimin e plotë të rrethanave të aksidentit.