Pas 5 vitesh orvatje e pritje, Mikeli e Ilda morën lajmin se do të bëheshin prindër. Më në fund, edhe ata do të bëheshin nënë e babë, diçka që e kishin ëndërruar vite e vite.
Kei lindi pak muaj më parë por shëndeti i tij ishte i ligë. Vogëlushit i është mbledhur ujë në kokë dhe prej 3 muajsh qëndron i lidhur pas aparaturave që e mbajnë gjallë. Koka e vogëlushit është fryrë ndjeshëm prej hidrocefalisë, ndërsa prindërit nuk mund të bëjë dot veçse të derdhin lot e t’i luten Zotit.
Gjendja e vogëlushit është rënduar ndjeshëm. Kei ka nevojë për t’u dërguar sa më parë jashtë shtetit për kurim të specializuar. Jeta e tij mund të shpëtohet e ai mund të rritet si të gjithë fëmijët e tjerë… por Mikeli e Ilda nuk kanë asnjë lloj mundësie ekonomie. Ata kanë veçse dhimbjen e lotët, e shpresën se në këtë muaj të bekuar të Ramazanit, shqiptarët do të bëhen sërish bashkë si kahera, kësaj radhe për vogëlushin e tyre të vetëm.