Qan prej dhimbjeve. Nuk di të folë ky vogëlush, sepse është veçse një foshnje 6 muajshe. Në trupin e tij të vogël rëndojnë aparaturat që e mbajnë nën kontroll të përhershëm. Një moment dhe gjithçka mund të kthehet përmbys.
Kajani është një fëmijë i Kosovës. Ndodhet në spital, në gjendje të rëndë shëndetësore. Vogëlushi vuan nga probleme me zemrën dhe mëlçinë. Mjekët i kanë kërkuar familjarëve të tij që ta dërgojnë sa më parë për kurim jashtë shtetit, pasi në atdhe nuk mund të bëhet më asgjë.
Të dëshpëruar, prindërit e foshnjes u luten shqiptarëve në këtë Natë të Kadrit për ndihmë.