Një 44 vjeçar ka rënë në prangat e policisë së kryeqytetit pas ka rrahur e goditur me sende të forta komshiun e tij.
Policia thotë se sherri ka nisur për motive të dobëta dhe ka degjeneruar në dhunë fizike. 44 vjeçari me inicialet Sh.E ka rrahur fqinjin sepse ky i fundit e ka kallëzuar.
“Specialistët për Hetimin e Krimeve të Komisariatit të Policisë Nr.3:
-arrestuan shtetasin Sh. E., 44 vjeç, pasi dyshohet se për motive të dobëta, ka goditur me sende të forta, fqinjin e tij të cilin gjithashtu e ka kanosur për shkak të kallëzimit të bërë.
Materialet procedurale iu referuan Prokurorisë së Tiranës, për veprime të mëtejshme.”-njofton policia.