Një 33 vjeçar ka përfunduar në spitalin rajonal të Shkodrës me një sërë lëndimesh në trup, pas një sherri për motive banale me dy persona të tjerë.
Në ambientet e spitalit, i riu u ka treguar oficerëve se dy persona të panjohur e kanë goditur me sende të forta, fill pas një debati të çastit në rrugën “ Isa Jakupi”.
“Rreth orës 12:10, në spitalin rajonal të Shkodrës, është paraqitur i dëmtuar lehtë, shtetasi K. Sh., 33 vjeç, banues në fshatin Bleran, i cili pretendon se gjatë një konflikti të çastit, për motive të dobëta, në rrugën ” Isa Jakupi” e kanë goditur me send të fortë, 2 shtetas të paidentifikuar. Grupi hetimor vijon të punojë për identifikimin dhe kapjen e 2 shtetasve, si dhe për sqarimin e rrethanave të rastit.“ -informoi sot policia e Shkodrës.