Një rast i pazakontë ka ndodhur në Shkup, atje ku një grua në moshën 61 vjeçare ka sjellë në jetë një foshnje të shëndetshme, pas 37 vitesh përpjekje të pasuksesshme për të mbetur shtatzënë.
Lajmin e përcolli drejtoresha e klinikës së Gjinekologjisë e Obsetrikës në Shkup, Irena Papestjev.
“Kjo paciente është e para që ka mbetur shtatzënë me qelizën e saj vezore të ngrirë, e cila ka marrë trajtim in-vitro në vendin tonë dhe shtatzënia është mbikëqyrur plotësisht këtu, ndërsa lindja është kryer në GAK”, tha mjekja.
Foshnja e seksit mashkull ka dalë nga spitali me të ëmën. Të dy ndodhen në gjendje të mirë shëndetësore. Nëna kishte pasur dhjetë fekondime in-vitro të pasuksesshme dhe dhjetë aborte spontane. Ajo kishte kryer edhe tri ndërhyrje të mëparshme gjinekologjike, dy në Beograd dhe një në GAK në Shkup.
Gjatë shtatzënisë, e cila u mbikëqyr me kujdes, ajo vuante nga tension i lartë dhe diabeti, por në fund gjithçka shkoi për mrekulli. Babai, i cili është 65 vjeç dhe në pension, deklaroi se do të kujdeset për foshnjën.
Në Maqedoninë e Veriut, ky rezulton të jetë më i vjetri rast kur një grua në moshë të madhe arrin të sjellë në jetë një fëmijë.
Në Indi, ekziston një rast i një gruaje që është bërë nënë për herë të parë në moshën 70-vjeçare.