Një aksident ka ndodhur këtë të shtunë në “Urën e Beshirit” në rrethinat e Tiranës, atje ku një person përplasi me makinë një 12 vjeçar dhe më pas është larguar.
“Arratia” veçse ka zgjatur për afro 3-4 orë, pasi shoferi më tutje është paraqitur në policinë e qytetit të Beratit për t’u vetëdorëzuar (shoferi banonte në Berat).
Bëhet e ditur se shërbimet e Policisë së Tiranës kanë shkuar në Berat për të shoqëruar drejtuesin e mjetit që përplasi fëmijën.
Nga ana tjetër 12-vjeçari i përplasur ka marrë ndihmën mjekësore dhe ndodhet jashtë rrezikut për jetën.