Një 34 vjeçar është vënë në pranga nga policia, pasi ka ushtruar dhunë fizike ndaj prindërve të tij si dhe ka dëmtuar një sërë orendish shtëpiake. Gjatë kontrollit fizik, policia i ka gjetur edhe një sasi kanabisi të riut.
“Specialistët për Hetimin e Krimeve të Komisariatit të Policisë Vau i Dejës kanë arrestuar shtetasin N. P., 34 vjeç, pasi ka ushtruar dhunë ndaj prindërve të tij dhe ka dëmtuar orenditë shtëpiake.
Gjatë kontrollit fizik, shërbimet e Policisë i gjetën shtetasit N. P., një sasi të vogël lënde narkotike kanabis, e cila u sekuestrua në cilësinë e provës materiale. Materialet procedurale u referuan në Prokurori, për veprime të mëtejshme”-njoftuan autoritetet.