Dy konflikte në familje, njëri në Elbasan e tjetri në Cërrik, kanë përfunduar në vetëgjyqësi me vjedhje e përleshje fizike mes vëllezërve.
Policia njoftoi të martën se ka vënë në pranga një 54 vjeçar me inicialet T.H, pasi ky i fundit i kishte vjedhur makinën të vëllait. Denoncimi i bërë nga L.H 52 vjeç, ishte bërë gjatë natës, kohë kur burri ka vënë re se makina e tij ‘Range Rover’ nuk ndodhej atje ku e kishte lënë të parkuar. Kur policia ka nisur hetimet dhe punën për gjetjen e automjetit, ka gjetur vëllain e denoncuesit duke e ngarë automjetin.
Në Cërrik nga ana tjetër, një ngjarje ka ndodhur sërish mes dy vëllezërve. Shtetasit A.M 55 vjeçar dhe I.M 48 vjeçar, janë përleshur mes tyre me grushte e sende të forta, duke marrë lëndime. Vëllezërit janë përleshur pas një sherri për motive të dobëta.