Video e mëposhtme e një shoferi që merr përpara dy oficerë policie është regjistruar në Parma, ndërsa “personazh kryesor” është një 37 vjeçar shqiptar.
Karabinierët e ndaluan shqiptarin për një kontroll rutinë, por i riu nuk i është bindur oficerëve dhe ka tentuar të largohet. Një prej karabinierëve është varur në xhamin e makinës, ndërsa shqiptari ndalon vetëm pasi një autobus i bllokon rrugën.
37 vjeçari më tutje është arrestuar nga karabinierët. Në makinën e tij ishte pasagjer dhe i vëllai. 37 vjeçari rezultoi të ishte me precedentë të mëparshëm penalë për grabitje, si dhe kishte marrë një vendim për t’u dëbuar, vendim i cili i ishte anulluar.