Për më pak se 24 orë, shqiptarët mblodhën mbi 100 mijë euro për të. Një reagim i jashtëzakonshëm për një vogëlush veçse 3 vjeçar, i cili as nuk mundi të festojë ditëlindjen sepse encefalia e çoi në koma në ditën e ditëlindjes së tretë.
Sot Gëzimi u nis për në Italinë fqinje, pikërisht falë bamirësisë së jashtëzakonshme të shqiptarëve. Është një reagim që për prindërit do të mbetet derisa t’kenë jetë në memorjet e zemrat e tyre.
“Sot Gëzimi niset për itali. Gjendja e tij është shumë e rëndë. Sot po nisemi me shpresë shumë të madhe. Falenderojmë të gjithë shqiptarët e Elvis Naçin,që sot Gëzimi po niset në Itali, në kohë rekord dhe me të gjitha kushtet.”-thotë nëna e Gëzimit.
“Jemi shumë shumë të kënaqur. Mezi presim që djali të kurohet. Situata nuk priste fare. Bëtë maksimumin në një orar të jashtëzakonshëm. As unë si prind nuk do ta bëja dot kaq shpejt. Unë ju falenderoj shumë, e do ju jem falenderues të gjithë jetën time. Zoti më dërgoi tek ju që të më zgjidhnit këtë… (qan) unë dua që të kem Gëzimin të gjithë jetën time, se më nuk po duroj dot…”-thotë mes lotëve babai i 3 vjeçarit.
Tanimë nuk na mbetet veçse t’i lutemi Zotit që gjithçka të shkojë siç duhet, që Gëzimi të mund t’i largohet rrezikut për jetën e sa më parë të shërohet plotësisht.