Poshtë këmbëve të maternitetit ku Kei mbushi 3 muaj jetë dhe i intubuar, të gjithë janë në lot. Familjarë, të afërm, gjyshërit e prindërit qajnë njëlloj si shiu që nuk pushonte në ato momente.
I prekur nga hidrocefalia, vogëlushi 3 muajsh qëndroi në koma qëkur erdhi në jetë. Falë bamirësve shqiptarë, shuma për kurimin e Keit u mblodh brenda 48 orëve, ndërsa tanimë vogëlushi niset drejt Italisë fqinje për kurimin e tij.
Mes lotëve, me zërin që i dridhet, babai i Keit falenderon këdo shqiptar që u bë shkas për këtë mundësi të madhe, për një shans për jetën e të birit.
“Falenderojmë shumë Fondacionin që nisën djalin tim urgjent për në Itali… (përlotet) nuk ka sesi të ndjehem, nuk ka moment më të vështirë. Shpresoj Zoti të na ndihmojë për djalin.”-thotë babai.
Kei futet në ambulancë përmes inkubatorit, shtëpisë së tij të vetme këto 3 muaj të gjatë të jetës së tij. Dashtë Zoti Kei shërohet shpejt e plotësisht e rikthehet në atdhe në krahët e nënës e babait të tij.