Për herë të parë në histori, shkenca ka arritur të sjellë të parin imazh të kapur ndonjëherë të një ylli që ndodhet në një tjetër galaktikë. Arritja është jo vetëm domethënëse dhe tregues i qartë për kapacitetet e deritanishme të shkencës së astronimisë, por edhe me një interes të madh mbi vëzhgimin, pasi ylli në fjalë është në ciklin e fundit të ‘jetës’ së tij, një fund që do të përfundojë me një shpërthim të fuqishëm.
Ylli i identifikuar si WOH G4, ndodhet në “Renë e madhe të Magelanit”, një prej galaktikave të afërta me tonën, njohur si pjesë e grupit të galatikave lokale. Galaktika e ‘Resë së madhe të Magelanit’ ndodhet afro 160 mijë vite/dritë larg nesh dhe është e dukshme me sy të lirë në qiejt e hemisferës jugore të tokës.
Ndërkohë ylli i cili është ‘fotografuar’ nga teleskopët në observatorin europian në Kili, tregon imazhin e një gjigandi kozmik që është të paktën 2 mijë herë më i madh se ylli jonë, Dielli.
Ylli WOH G5, është në fazën e fundit të ‘jetës’ së tij dhe është zmadhuar ndjeshëm përgjatë miliarda viteve në një formë që i përngjan një veze apo një fruti mangoje. Përreth tij ka një halo masive me elementë të gaztë e materie që është shkëputur prej yllit. Ky trup masi qiellor pritet të shpërthejë në një supernova.
Shkencëtarët do të vijojnë ta vëzhgojnë këtë yll të largët qindra mijëra vite/dritë. Një prej studiuesve tha se shkenca “kurrë nuk ka arritur të vëzhgojë dhe kapë një metamorfozë të tillë”.