Një ndër të parët urdhra presidencialë që Donald Trump firmosi si President i 47-të i Shteteve të Bashkuara, ishte dhe përjashtimi i atletëve transgjinorë në ekipet e femrave në sporte të ndryshme.
Së fundmi Trump zhvilloi një takim me të gjithë guvernatorët e shteteve të Amerikës, atje ku debati për atletët transgjinorë solli përplasjen e parë publike mes Presidentit e njërit prej guvernatorëve demokratë, më konkretisht guvernatores së Maine, Janet Mills.
“Shumë demokratë po më luftojnë për këtë çështje” tha me ironi Trump.
E teksa Presidenti deklaronte se ai/ajo që nuk i bindet udhrit nuk do të marrë asnjë fond nga shteti federal, guvernatorja Mills i është drejtuar Trump duke i thënë se “do të shihemi në gjyq”.
Trump: Ne jemi ligjet federale. Më mirë të pajtoheni, përndryshe nuk do të merrni asnjë financim federal.
Mills: Do të shihemi në gjykatë!
Trump: Shumë mirë, do të shihemi në gjykatë. Mezi e pres. Do të jetë e lehtë. Dhe shijoni jetën më pas, sepse nuk mendoj se do të rizgjidheni më.